Angeluko bestak bigarren astean sartzen dira aste honetan. Laida Pilota ikusgarria ikusi ahal izan zuten angeluarrek festen idekitzean ostiralean. Besta komiteak bere egitaraua proposatzen du, eta ondoan elkarteek ere haien animazioak. Urtero Ibaialde elkarteak afari bat proposatzen du, eta aurten sagardotegi afaria baino, zikiro jate bat egitea pentsatu dute martxoaren 9an. 400 afari izango dira, bainan izenak eman behar dira, turismo bulegora deituz.
Jakin Ibaialde elkarteak antolatzen duen Kostalde baleada maiatzaren 18an izango dela aurten, eta aldaketa bat proposatzen dutela. Hendaia eta angelu artean egin ordez ibilaldia, Zokoatik Baionara izango dela, Lapurdiko hiriburuak duen portuaren istoriaren baloratzeko helburuarkin. Arantxa Idieder mintzatu da Ibaialde elkarteko Jean Marc Landarretxerekin.
2019ko Martxoaren 06a
Baionako oihan bat desagertzen ari dela salatu du CADE ingurumenaren aldeko elkarteak. Herriaren iparraldean, Sequé gune ondoan 4 hektara ta erdi moztuak izan dira. Ehunka urte zituzten haritzak bota dituzte.
Hegoaldeko enpresa batek baliatzen ditu egur horiek. Lurraren jabeak partikularrak dira baina ez dira denak jakinean gertatzen ari denaz, eta herriko etxeak gutti egiten duela oihan horren suntsitzearen kontra salatzen dute.
CADE-eko Pantxo Tellier eta Emile Diratchettekin mintzatu da Marga Forestier.
2019ko Martxoaren 06a
À¢Â€ÂœNeskatoakÀ¢Â€Â dokumentala Lekornen ikusten ahalko da martxoaren 8an. Baigura ikastolak proposatzen du proiekzioa Lekorneko herriko gelan, Jon Abril Olaetxearen dokumentala. Frankismo garaian, muga pasatzea behartuak izan ziren emazteei buruzko dokumentala da, lan egitera joan zirenen lekukotasunak bildu ditu egileak.
Jon Abrilekin mintzatu da Arantxa Idieder.
2019ko Martxoaren 05a
Miresgarriak deitzen da Clarenza elkarteak bultzatu duen boskotearen taldea. Bastidako Clarenza kaperan, garai batean herritarrek zuten ohitura pagano bat gogora ekarri nahi dute, bost emazte kantariren bitartez. Kortsikar bat, jazz kantari bat edota kurdo bat dira taldean eta tartean kantu ikastaldi batzu proposatzen dituzte.
Maite Garra elkarteko kidearekin mintzatu da Arantxa Idieder.
2019ko Martxoaren 01a
Emazteeri zuzendua zaien lehen lasterkaldietariko bat izan zen À¢Â€ÂœItsas Laminen KorrikaÀ¢Â€Â. Angeluko Kimua ikastolak antolatzen du martxoaren 8a oinarritzat hartuz. Parte hartzaileek ematen duten diru guztia Integrazio Batzordea elkarteari ematen dute, ahalmen urritasun bat duten haurrak eskolatzen laguntzeko.
Antolaketan den Yvonne Pochelurekin egon da Panpi Mercapide.
2019ko Otsailaren 26a
Zizpa kantuz II, larunbatean izango da Baionako gaztetxean. Euskararen hilabetea antolatu dute gazteek, eta bukatzeko, martxoaren lehen egunetan jo dute. Mattin Lerissa, Pantxix Bidart, Aire Ahizpak edota Aguxtin Alkhaten izenak agertzen dira larunbateko afixan.
Arantxa Idiederrek hitzegin du gaztetxeko Marilou Lapeyradekin.
2019ko Otsailaren 26a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016