Makila Sports Nature kirol elkartea Larresoron kokatua da. Ateraldi eta aktibitate desberdinak proposatzen dituzte edozoin adineko mendizaleeri.
Bainan ateraldi kulturalak ere proposatzen dituzte, Baztanen laster adibidez Dolores Redondoren eleberrian oinarritu ateraldia, eta Claude Labaten mitologia errenferentziak hartuz. Arantxa idieder mintzatu da Pantxika Durruty kide berriarekin.
-- https://www.randonner-pays-basque.fr --
2019ko Urtarrilaren 16a
LDD edo Les Développement Durables, Hazparnen kokatua den kooperatiba aipatuko dugu bi sortzaileekin. Nicolas eta Sebastien Ducoulombier anaiek programa edo software libreekin lan egiten dute eta Euskal Herrian instalatu direnetik deliberatu dute euskara ikastea.
--- https://www.ldd.fr ---
2019ko Urtarrilaren 15a
Gure Irratiak eta Urtxola jatetxeak antolatu dugun bertso desafioan, hirurogei bat pertsona ziren afaltzeko, eta saioaz gozatzeko. Gaualdi biziki goxoa eskain dute, alde batean ziren Mattin Salto taldekoek (Aitor Servier, Xumai Murua et Ellande Alfaro) eta beste aldean zen Aldatzea Komeni taldekoek (Joanes Illarregi, Xabat Illarregi eta Josu Sanjurjo Altzuri).
Nafartarrek eraman dute publikoaren bozka, desafio bukaeran. Entzun hemen "Jakintsua eta Itsua"-ren desafioan, bi taldeen arteko jokoa, helburua hemen talde bakotxeko itsuak asma dezan, jakintsuen laguntzen bitartez hitz sekretua. Hitza hemen, "Erabakitzeko Eskubidea".
2019ko Urtarrilaren 14a
Azken 3 urte hauetan, auto diesel berrien salmenta azkarki ttipitu da. Partikularreri egiten zaizkien salmentetaz ari gira. Profesionalek diesela erosten segitzen baitute. Hego Euskal Herrian, 3 urtez, erdira jautsi dira salmentak, ehuneko 63tik 32rat pasatuz. Ipar Euskal Herrian, hiri guneetan bereziki, Frantziako tendentzia segitu da. 5 urtez, ehuneko 67tik 39ra apaldu dira.
Nolaz hain azkar mendratu diren dieselen salmentak azaldu dio Urruñako Mikel Frantsesena saltzaileak, Kriztof Arotzarenari.
Robert Andueza Uztaritzeko saltzailearen ikusmoldea bildu du Kriztof Arotzarenak
2019ko Urtarrilaren 10a
Urtarrilaren 10ean, gaueko 7.30tan, Hazparneko Eihartzea kultur Etxean, Pako Aristi idazle-kazetariaren mintzaldia izanen da: "Euskara, hura gabe ez gara" titulutik abiatuta.
Ezkia, Baigura, Arberua ikastolek, Ttattola eta Aek-k antolatu Artetik Erteko deitu mintzaldi zikloaren baitan sartzen da. Pako Aristirekin mintzatu da Panpi Mercapide.
2019ko Urtarrilaren 10a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016