Pilotan, esku huska, berezkoen xapelketak, ostiral huntan jakinen du zer bikotek osatuko dituzten finalerdiak.
Etxegarai-Bilbao, Waltary-Gixandut eta Intxauspe-Ducassou jadanik sailkatuak dira, laugarren parea, Larralde-Iturbe eta Elgart-Zubiaten arteko irabazlea izanen da. Partida ostiral arats huntan, Arrangoitzeko 19.30etatik goiti eta Olatz Idoate lankidea protagonista batekin mintzatu da, Ion Iturbe-rekin, lehen xapelketa du pilotari hoberekin.
2018ko Apirilaren 13a
Itsasuko Goxoki gaztetxeak gaualdi bat antolatzen du ostiral arrats huntan bere egoitzan. Bertan 3 talde ikusgai izanen dira eta Amaia eta Josuk, gaztetxeko kideek, gaualdia aurkezten digute. Amaiak digu esplikatzen zergaitik apirileko gaualdi hori antolatu duten.
2018ko Apirilaren 13a
Gela bakarreko eskola bilakatu da Sarako eskola publikoa joan den irailetik. Mailak eta hizkuntzak nahasirik bi erakaslerekin lan egiten dute 33 ikasleek. Funtzionamendu berezi horrek autonomia eta elkartasuna lantzen du gelan.
Nadège Zorzabalbere eskolako zuzendaria eta Sybille Leroi euskarazko erakaslea entzuten ditugu Marga Forestieren mikroan.
2018ko Apirilaren 12a
Pasaiako Badia dokumentala, ostiralean Baionako Epaiskan ikusgai izango da.
Euskal Herriaren zati bat markatu duen gertaldia azalarazten duen dokumentala da, Memoria historikoari ekarpen bat egiten dion dokumentua.
Yuri Agirre, Pasaiako Badia filme-dokumentalaren egileetariko bat elkartu da Arantxa Idiederrekin.
2018ko Apirilaren 12a
Martxoaren 31an bukatu zen, Frantzian, Hotz haundiaren plan berezia.
Gure eskualdean, gutti gora behera 40 toki gehiago ideki dituzte aurten. 340 pertsona aterpetu dituzte negu honetan, usaiako eina mantenduz. Bainan aurten etxegabeen egoera txartze bat nabarmendu dute. Negu honetan gainera, 4 pertsona hil dira karrikan.
Azpimarratu digu, Pantxika Ibarboure À¢Â€ÂœAtherbeaÀ¢Â€Âko arduradunak, gero eta zailtasun haundiagoak dituztela, laguntzen dituztenen jarraipen bat egiteko, tresna eta baliabide faltagatik.
Arantxa Idieder.
2018ko Apirilaren 10a
Ohorezko mailan, finalerdietako joaneko partida irabazi du Kanbok, Monforten, 13 - 9. Eta asteburuko emaitzak!
2018ko Apirilaren 09a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016