50 urteen ospatzeko, gaur egungo dantzariek ikusgarri berezi bat landu dute, azken urteetan "Ikasleak" dantza taldetik pasa diren dantzari desberdinekin. Xurioko pilota plazan emanen dute. Olatz Idoate "Ikasleak"-eko Ximun Daguerre eta Gexan Garaterekin mintzatu da. Egitaraua:
2023ko Ekainaren 08a
Piarres Larzabal, Ziburuko kolegioko 3.urteko 12 ikaslek parte hartu dute RAHMI elkartearen lehiaketan, Akitania Berriko 7 ikastetxek labur metrai bat behar zuten sortu migrazioa gaiaren inguruan. Losseni Fofana Bolikostar migrantearen bizipena kondatu dute.
Ikasleek berek sortu dute musika eta grabatu, grafismo lanak egin, off botza grabatu, bikoizketak idatzi… bideoa euskaraz izaitea onartu baidiete antolatzaileek.
Maiatzaren 31an, parte hartzaile gehienak, jantzi ederrenekin joan ziren Bordelera, sari banaketan parte hartzeko. Eta sorpresa handia izan zen, irabazleetan, hiru lan ezin izan zituztelako desberdindu, eta tartean Piarres Larzabalekoen lana.
Panpi Mercapide mintzatu da ikasleekin, irailean abiatu proiektua aipatzera.
2023ko Ekainaren 07a
Askatasun Gosez saskia aurten ere salgai da 50À¢Â‚¬tan, Harrera elkartearen alde.
Kartzelatik ateratzean, presoen egunerokoan laguntza ekartzen dute salmenta huni esker.
Amaia Beyrie laguntzailerekin xehetasunak bildu ditu Panpi Mercapidek. Manaketa egiteko ez da denborarik galdu behar ekainaren 12a aitzin behar baita egin.
2023ko Ekainaren 07a
Lizarrako Iñaki Rifaterra litografoaren lanak ikusgai dira Uztaritzeko tTok erakustokian uztailaren 5a arte.
Artelekun ibilia da Don Herbert maisuarekin, Debako arte eskolan egon ondotik Danimarkara joan zen Rasmus Urwald-ekin litografia ikasteko.
Gaur egun bere tailerra Lizarran duen Iñaki Rifaterraren ezagutza eginen dugu.
Erakusketa bisitatzeko ordutegia:
2023ko Ekainaren 01a
Egun osoko programazioa duen azken ekitaldi batekin, emanen dio Hazparneko Ezkia ikastolak, 50 urteen ospakizunari bukaera.
Eguna Haritz Barne zinema gelanhasiko da "Joko Moko" antzerki taldearekin. Bazkari herrikoia Miarritzeko ostalaritza lizeoko ikasleek sukaldaturik, ikastolako laborarien mozkinekin eta Romain & Wats taldeak alaituko du.
Gauean Gozategi, û˜dei, Kuartz eta DJ Bull urririk
Elixabet Aizager ko-lehendakariarekin xehetasunak
2023ko Maiatzaren 23a
Baionako auzitegira deitua da maiatzaren 25ean Hazparneko Ttattola gaztetxeko kide bat. Gaztetxerik lortzen ez zutela eta, etxe huts bat okupatu zuten 2021eko abuztuan. Handik kanporatuak izan ziren, bi gazte jendarmeriara konbokatuz, eta horietarik bat da orain epaituko dutena.
Iulen Vrignon-ekin mintzatu da Ihintza Arrieta, Gaztetxeko kideetarik bat da, auzia nola ikusten duten galdegin dio.
Ttattolak, ukanen duen epaiketari begira, sustengu gaualdia antolatu du maiatzaren 17an, asteazken gau honetan Aiherrako Denen etxean 20.00etatik aitzina:
2023ko Maiatzaren 16a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016