EMANKIZUNAK | ADI
Anonyme Popular, Keu Agirretxea, TOC, Feelingless, Weyes Blood, Compagnie Rassegna, One Rusty Band, The Valkyrians, Svaneborg Kardyb, Moundrag, Inclination, Cabal.
2022ko Urriaren 26a
KRONIKAK
JULEN JAUREGI | NATURA
MIFENEC aholku eta ikerketa zentroko arduradun tekniko den Julen Jauregirekin segitzen du Olatz Idoatek hilabeteko kronikan.
Aurten Lehuntze aldean dabiltza. Joan den hilabetean Arbeuko aintzira inguruan ziren, eta hilabete huntan ere. Preseski urmaelak aipatuko dituzte. Zer diren urmaelak? Ez badakizune, kronika entzun.
2022ko Urriaren 26a
BERRIAK
10 urtez Lizarrietako kaskoan, Usopop festibala antolatu ondoan, antolatzaileek formulaz aldatu nahi izan dute. Azken urteetako ezeztatzeen ondotik, azkenean asteburu huntan izango da Saran Mapa Galduak festibala.
Ostiralean punk gaualdi bat urririk Plekan, larunbatean Zeharkako bideak sekretuzko kontzertu mugatuak, rock gaualdia, eta igandeko Mugarri 25 sorkuntza bereziaz, xehetasunak bildu ditu Arantxa Idiederrek, Joanes Garcia Basurko antolatzailearekin.
2022ko Urriaren 26a
BERRIKETARIAK | SARA
Asteartero 8:45ean Ganex Etcheverrigaray laguntzailearen berriak
2022ko Urriaren 25a
BERRIAK
Berrikuntzak heldu dira LAT Lapurdiko Arraun taldera. Iaz TKE-2 tik TKE-1 mailara igaitea kausitu zuten Aitor Artetxe trebatzailearekin, hots 3. Mailatik, 2. mailara.
Aurten gorago joan nahi dute. Ez menturaz mailaz igan segidan, baina bai talde gisa hobetzea. Hortarako, arraun munduan ikaragarriko izen bat duen Joseba Fernandez Daguer trebatzailea jinarazi dute, zerbait gehiago ekarriko duelakoan. Olatz Idoate mintzatu da harekin.
2022ko Urriaren 25a
KRONIKAK
EKE | ELEKETA
Hilabetero gurekin izango da Terexa Lekumberri antropologoa, urtetan egin dituen elkarrizketak Gure Irratiako entzuleekin partekatzeko.
Euskal Kultur Erakundearen programa honen helburua, Ipar Euskal Herriko ahozko memoria biltzea, artxibatzea eta hedatzea da.
2022ko Urriaren 25a
1981 2026
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016