Donibane Lohizuneko Batzokiko ostegunak berriz abiatuko dira irailaren 27 honetan gaueko 7tan. Gaxuxa Elhorga Dargains arduradunak, Panpi Mercapideri erran dako nola iraganen den lehen mintzaldi hau.
2018ko Irailaren 25a
ELB laborari sindikatuaren besta aurten Itsasun iraganen da igandean, irailaren 30ean Atharrin.
Antolaketa lanetan ari den Maryse Cachenaut-rekin hitzegin du Panpi Mercapidek.
2018ko Irailaren 25a
Hazparnen iraganen da aurten, urtero iragaiten den Euskal Herriko Joaldunen Besta. Hazparnen duela 30 urte sortu zen joaldun taldea, baliatuko da bere urtebetetzea ospatzeko egun hortan. Hazpandarrek emazteak formatzen badituzte ere, eta haien ondoan jotzen duten batzutan, ez dute haien taldean emazterik onartzen.
Panpi Mercapideri esplikatu dion bezala Christian Hirigoyen elkarteko lehendakariak, ez du hastapenetik integratu taldea.
2018ko Irailaren 24a
Paxkal Elgart eta Xiril Alvarez, kirolariek "Boreal Espedizioa" prestatzen dute heldu den neguko. Larunbatean irailaren 22an, arratseko 8etan Bidarrain, Mongolian egin zuten bidaia aipatuko dute berriz, eta proiektu berri hau aurkeztuko publikoari.
Ipar Polo aldean, 2000 kilometro zeharkatuko dituzte, oinez, lerra edo pulka bat tiratuz, behar dituzten puxkak karreatuz. Duela zonbeit hilabete hasi dira prestatzen, azarotik heldu den apirila arte iraun behar duen, Itsas Artiko aldean espedizio hotza. Panpi Mercapide mintzatu da bi abenturazaleekin.
2018ko Irailaren 21a
Indianoak-Ibaialde espedizioan parte hartu dutenek eta hauen sustengatzaileek hitzordua dute igandean Itsasuko Atharrin. Zikiro, Indianoak dokumentalaren proiekzioa, pilota eta dantza programan dira.
Michel Lastiri elkarteko lehendakariak oroitarazi dizkio Panpi Mercapideri joan den urteko espedizioko oroitzapen onak.
2018ko Irailaren 20a
Donibane Ziburuko Gaztetxeak 27 urte betetzen ditu, larunbatean, irailaren 22an arratsaldeko 7etarik goiti, Akotzen da hitz ordua kandelen ufatzeko.
Willis Drummond, Aguxtin Alkhat, Lie Detectors, Polygorn, OBIC, 2Zio bestan izanen dira ere!
Gaztetxeko Elorri Charreton kidearekin mintzatu da Panpi Mercapide:
https://www.facebook.com/Donibane-Ziburuko-Gaztetxea-221641594526251/
2018ko Irailaren 20a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016