ISA BTP - eskolak fama hartua du engoitik, bereziki munduan zehar sortu dituzten proiektu guziei esker. Angelun kokatua, eraikuntzan batik bat plantatua, aurten ere proiektu batekin heldu dira, Human'Isa elkartearekin.
Tanzaniara joango dira, eskola bat eraikitzera. Ingeniadore eskolaz eta proiektuaz gehiago jakiteko, hiru ikaslerekin egon da Olatz Idoate Nicolas Bidegain, Raphael Blanque eta Patxi Igoarekin.
2023ko Irailaren 21a
Hazparneko Haitzmendi bateria fanfarreak 110 urte betetzen ditu aurten eta Ahurtiko Le Reveil Urtois taldeak 70 urte.
Elgarrekin kontzertu bat emanen dute Mendeala gelan Hazparnen, irailaren 23an 20.30tarik goiti.
Panpi Mercapidek xehetasunak bildu ditu taldeko batzuekin: Jaurena familian, Jean Roch aita eta Camille ta Lili alabak ari dira musikan.
2023ko Irailaren 21a
Sarako bestak pasaturik, Lekornekoak bururatu berririk... iduri luke udako besten zerrenda bukatua dela aurtengo, baina ez oraino.
Asteburu honetan, Uztaritzeko auzoa den Arruntzako bestak izango dira. Olatz Idoate, Julen Lassale eta Thais Trounday komiteko kideekin mintzatu da.
2023ko Irailaren 19a
Mintzalasai, euskara entzuteko eta praktikatzeko hitzordua da Biarritze, Baionan eta Angelun animazio desberdinei esker. Biarritzen abiatu zen ekimenaren 12. edizioa izanen da aurtengoa, irailaren 18tik 24ra.
Proposamen ainitz prestatu dituzte aste guzi honetan zehar, igande arte Marion aintzirako besta handiarekin bukatzeko.
Euskara ez dela bakarrik kantuetan entzuten, nahi dute frogatu Renaud Davant, Oihana Zamponi eta Ortzi Jauregi elkarteko kideek erran daukuten bezala.
2023ko Irailaren 18a
Xabier Itzaina zientzia politikoetan ikerlari zuzendari da CNRS-an. Itsasuarraren ustetan, dantza landua izan da, bainan musikarien paperaren azterketa eskas zen. "Tanburinaren gizartea" liburua atera zuen joan den urtean, azterketa hori bururaino eramanez.
Artxibo lana egin du, 16. Mendetik hasten dira berak bildu dituen dokumentuak. Tanburinaren Gizartea liburuaren izenburua ere hartzen du larunbatean Uztaritzen emango duen hitzaldiak. Tradizioa edo ohiturak aldatzen direlako, Historizitate horrek izan duen eragina musikariengan aipatuko du.
HItzaldia larunbatean emango du Uztaritzen arratsaldeko 5.30tan, Haitze Gazteluan antolatzen duten ondare egunaren kari. Gazteluaren bisita gidatuak ere izango dira egunean zehar, izena eman behar da : 07 69 43 89 67. 6.30tan ENARA abesbatzaren kontzertua izango da.
2023ko Irailaren 15a
Gela batean eskalada pareta bat eraikitzea, hau izan da Arroka elkarteak aurkeztu duen egitasmoa Itsasun. Trinkete zaharra Herriak erosi zuen, eta deialdi publiko bat egin zuten herritarrei galdegiteko, pilotaz gain zoin proiektu nahi zuten hemen garatu.
Aurkeztu zen proiektuen artean, Arroka elkarteak proposatu eskalada pareta atxikia izan da besteak beste. Proiektuaren aurkezteko egun bat izanen da irailaren 16an Itsasun.
Arroka elkarteko Ximun Zubieta eta Dioni Agerrekin mintzatu da Panpi Mercapide.
2023ko Irailaren 14a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016