Lana eta lan gehiago egiteko estrategiak
2011eko Ekainaren 24a
Lana izeneko sailean segitzen dugu Gracie Duguine-ekin. Langileek lan gehiago egiteko estrategiez zehazkiago.
KRONIKAK
NORA ARBELBIDE | LITERATURA
Haize Beltza eleberria eta Tomas pertsonaia ezatseginaz
Nora Arbelbide, Amaiur Epherren bigarren eleberriarekin, Biarritzeko mediatekan / GURE IRRATIA
Amaiur Epherren bigarren eleberria irakurri du Nora Arbelbide kronikariak eta bere azken tarterako aipatzen dauku.
Haize Beltza Txalapartarekin atera du, eta pertsonaia nagusia Tomas idazlea da. Azken honek, beka bat irabazi du liburu bat idazteko, eta bere idazketa lanetan dituen gorabeherak segitzen ditugu. Idazkera ainitz gustatu zaio Nora Arbelbideri, baina pertsonaia nagusia "antipatikoaz" dudak agertu zaizkio.
2025eko Ekainaren 17a
"Uste nuen euskarak merezi zuela"
Argitxu Nobliak, bere etxean sortu zuen Ipar Euskal Herriko lehen ikastola / GURE IRRATIA
1942an sortu zen Argitxu Nobliak, Angelun egin du bere bizia. Familia, mediku mundukoa zuen, eta "determinismo soziala" segituz ikasketak sail hortan egin zituen ere.
Terexa Lekunberrik, hiru urteko kolaborazioaren ondotik, bere azken kronikarentzat Argitxu Nobliaren lekukotasuna partekatzea proposatu digu. Stella Maris-n serorekin izan zuen biziaz mintzatu da, medikuntza ikasketez, emazte izateaz osasungintzan eta ama izateaz, eta bistan dena Seaska ikastolen elkartearen sortzeaz.
1969an lehen ikastola sortu zuen bere sukaldean, bi urtez berak pagatuz irakaslea. Seaska izena atzemateko egin zuen ibilbidea ere kondatzen du.
2025eko Ekainaren 10a
Euskara eta euskal kulturaren egunean izango da IKAS
Fred Larrondo, IKASen aurtengo ekoizpen batzurekin / GURE IRRATIA
Larunbat honetan iraganen da Ziburuko 6. Euskarazko Disko eta liburu azoka. Ikas Pedagogia zerbitzuak ere parte hartuko du urtero bezala, bere azken berritasunak aurkezten.
Fred Larrondok aurkeztu dizkio Olatz Idoateri.
2025eko Ekainaren 03a
KRONIKAK
JOANES GARCIA BASURCO | MUSIKA
Amble talde irlandarrarekin 'zuzeneko soinua eta emozio gordina'
Dublinen sortu da Amble talde gaztea / AMBLE
Amble, Irlandako talde gaztea aipatu digu Joanes Garcia Basurkok.
2022 urtean elkartu ziren Dublinen hiru gazteak, eta geroztik landu kantuak disko batean bildu dituzte. Folk musika proposatzen duen taldea, emeki-emeki Irlandatik mundura ateratzen hasten da.
2025eko Ekainaren 03a
"Norbait eritzen bazen, jankoain esperantzan, ez zen asurantzarik, behi bat saldu edo"
Antton Hirigoien saratarra, Battitt Laborde auzapezaren laguntzarekin elkarrizketatu zuen Terexa Lekunberrik / GURE IRRATIA
Antton Hirigoien saratarrarekin egin zuen elkarrizketa ekartzen digu hilabete honetan Terexa Lekunberri kronikari antropologoak.
Bere etxaldeari loturik bizi izan da beti 2022an zendu zen saratarra. Antton Hirigoienen lekukotasunarekin, garai bateko bizi moldea deskubritzen dugu, eta hiztegi bat ere. Bere etxaldeak 19 Golde balio zituela dio adibidez, Goldea hektarearen herena delarik. Akita pagatzen zuen garaiaz, asurantza eta laguntza sozialen heltzea bizi izan zuen, zaldiz mugitzen zirela, kontrabanda eta beste.
2025eko Maiatzaren 16a
KRONIKAK
NORA ARBELBIDE | LITERATURA
La Negresse izena eta bere korapiloa
Hector Iglesiasen tesian Haraustaren jatorri historikoa aipatzen du 'La Negresse' auzoarentzat / GURE IRRATIA
Auzitegiak deliberatu du: Biarritzeko La Negresse karrikaren izena aldatzea behartua da herriko etxea. Gogoz kontra beraz, hiru proposamenen egin ditu Biarritzek. Bozkatuz egin dute hautua herritarrek: l’Allegresse izango da, euskarazko eta gaskoierazko proposamenak baztertu ondotik.
Nora Arbelbidek, interesgarria atzematen duen eztabaida gogoetatzera ekarri nahi izan du hilabete honetako kronikan. Historiaren estakurua konbokatu da argumentazioetan, La Negresse izen arrazista kontserbatzeko, alta, Historia eta gunearekin lotura izpirik ez duen izena hautatu dute.
2025eko Maiatzaren 13a
"Estimatzen dugu irakasleak heldu direlarik gure biltzar nagusira"
Aines Dufau, Ikas pedagogia zerbitzuko zuzendaria / GURE IRRATIA
Ikas pedagogia zerbitzuan azoka egunak hasi dituzte apirilaren 28an, eta apirilaren 30ean bukatzen da. Liburuak prezio ttipian atzemango dituzue.
Azokara doaztenen artean, Arantxa Idieder hurbildu da Uztaritzeko bulegoetara, maiatzaren 24an izango duten Biltzar nagusia aipatzeko, Aines Dufau zuzendariarekin.
2025eko Apirilaren 29a
"Ez ziren ontsa ikusiak, gorri zikinak ziren"
Maielen Echevarria ttipidanik ezagutu duen Kanbo Behereko auzoaz oroitzen da / GURE IRRATIA
1925 urtean sortu zen Maielen Echevarria, Kanbo gainean. Baina 3 urte dituenetik, Kanbo beherean bizi izan da.Terexa Lekunberri antropologoak hilabete honetan, Kanbo behereko bizia ongi ezagutu duen Maielen entzunarazten digu.
Jesus Etchevarria artista gisa, ezaguna zenaren emaztea da ere, biak artistak ziren, bainan senarra izan zen ezagunena. Auzoko oroitzapenak ekartzen ditu: Gaxuxa Pixixa, “beren ofizioa” zuten auzoko eskale ezagunak, Espainiako gerlatik ihesean ziren errefuxiatuen etorrera, haien harrera eta Jesus artistarekin izan zuen biziaz.
2025eko Apirilaren 15a