BERRIAK
Biarnoko makroproiektu bat aipatzeko, bilkura publikoa antolatzen dute Azkainen ostiral honetan 18:00etan Bilgune gelan.
E-CHO izenarekin, ekologikoa den proiektu baten kolore "berdea" du. Itxura hala du, Zuberoatik hurbil, Biarnoko Lacq herrian egitekoa den egitasmoak hiru gune industrial lituzke: hidrogenoa ekoizteko lantegi erraldoi bat, eta hegazkin ta itsasontzientzako erregai "berdeak" ekoizteko bi lantegi.
Arantxa Idieder mintzatu da bilkura antolatzaile den Michelle Gracy-rekin.
2025eko Otsailaren 07a
BERRIKETARIAK | ETXALAR
Ostegunetan Etxalartik Jon Azkarragaren Baztan eta inguruko berriak 9:10ean.
2025eko Otsailaren 06a
EMANKIZUNAK | ADI
Nize, Olaia Inziarte, AKTS, Konorte, Bonnie Prince Billy, Black Country, New Road, Circa Waves, Decius, Zentone, Treaks, Yapö, Usquam.
2025eko Otsailaren 05a
BERRIAK
Basusarri-Arrangoitzeko Biez Bat ikastolak 10 urte betetzen ditu 2025 urtean. Kontzertu batekin hasiko dute ospakizuna, otsailaren 8an larunbatean. PiLT aspaldiko taldea etorrarazten dute, 90. hamarkadako talde famatua, etenaldi luze baten ondotik berriz oholtzara itzuli baitira bizkaitarrak, disko berriaren aurkezteko.
Bad Sound, Punttu Kakotx eta Dj Bull taldeak ere ariko dira, Arrangoitzeko gelan. Aitzin salmentak, otsailaren 6an 22:00etan bukatzen dira.
2025eko Otsailaren 05a
EMANKIZUNAK | ASTEAZKENEKO GOMITA
Olaberria Scoop-ak Uztaritzen freskatze lanak eginen ditu aurten, bastimenduak arraberrituz. 40 urtez, injekzio bidez piezak sortzeko, moldeak fabrikatzen dituzte industrialentzat.
Urteko negozio zenbatekoa 1.5 milioikoa du Olaberriak, eta aktibitatean gora beherak baldin badira ere, arlo honetan bere lekua atxikitzen du 15 langilez osatu kooperatibak.
Mikel Kurutxarri zuzendari nagusiak aurkeztu digu enpresa,asteazken goiz honetan.
2025eko Otsailaren 05a
KRONIKAK
NORA ARBELBIDE | LITERATURA
Laguntasuna, eta hausten den adiskidantza gai nagusi duen Pleibak liburua aipatu digu hilabete honetan Nora Arbelbidek.
Miren Amurizak idatzi duen eleberriak, nerabezaroan biziki hurbilak ziren bi lagunen adiskidantza kontatzen du, hamarkada zenbaiteko gibelapenarekin, ez baitute gehiago elkarren arteko harremanik orain.
Bata diskoteka girokoa, bestea militante Segi gazte erakundean, klase desberdinetakoak, itxuran dikotomia badirudi, ez da dena zuri ala beltz.
2025eko Otsailaren 04a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016