BERRIKETARIAK | ETXALAR
Ostegunetan Etxalartik Jon Azkarragaren Baztan eta inguruko berriak 9:10ean.
2025eko Urtarrilaren 30a
BERRIAK
Ihaute sasoian sartzen garelarik, prestaketa lanak ere abiatuak dira leku anitzetan. Uztaritzen adibidez, martxoaren 4ko astearte gizen-ean parte hartzeko, zirtzilak antolatzen hasiak dira. Urtero bezala, bilkura publiko bat proposatzen dute, pintxo eta edarien inguruan, zirtzilen taldean sartzeko goga duten guziei irekia.
Zirtzilen aurkezpen bilkura urtarrilaren 31n eginen dute Uztaritzeko Batzokian, arratseko 19.00tan. Olatz Idoatek hitz egin du, Maritxu Goihenetxe eta Xabi Etxegarairekin.
2025eko Urtarrilaren 30a
EMANKIZUNAK | ASTEAZKENEKO GOMITA
Sortzez heletarra den Michel Etxeberri, pilotari kantaria gure gomita izan da asteazken honetan.
Aupa Pilota, azkenik atera duen diskoa hogeita bederatzigarrena du, eta 76 urtetan oraindik kantaldiak eskaintzen ditu Euskal Herritik kanpo ere.
Hogeita hamargarren diskoari pentsatzen duela erran digu, osoki euskaraz egin nahi lukeena. Panpi Mercapideren gomita izan da ordu batez Michel Etxeberri, gai ainitz aipatzeko parada izan dute.
2025eko Urtarrilaren 29a
BERRIKETARIAK | AZKAINE
Asteartero 9:10ean Josephine Olhagaray laguntzailearen berriak.
2025eko Urtarrilaren 28a
BERRIKETARIAK | SARA
Asteartero 9:10ean Ganex Etcheverrigaray laguntzailearen berriak
2025eko Urtarrilaren 28a
BERRIAK
2023 erditsuan errezibitu genituen irratian, Amandine Cazaux eta Lisa Garra, haien xedea aipatzeko. Haurtzain-etxe euskaldun bat sortu nahi zuten eta egoitza bila ziren.
Aiherran, Itxaro Elosegi Martinon haurtzain-etxe proiektu bat muntatzen ari zen, herriko etxea berritzen ari den Beltzagitea etxean. Elkartu eta, hiruek elkarrekin, Eguzkilore elkartea muntatu dute, obretan den haurtzain-etxea berria apirilean irekitzeko asmoarekin, eta diru-biltze kanpaina bat ere abiatu dute.
Hiru ardatz nagusitan oinarritzen da proiektua, euskara, natura eta motrizitate librea. 12 haur hartzen ahalko dituzte Aiherrako Eguzkiloren, eta sare sozialen bitartez jartzen ahal zirezte harremanetan elkartearekin, edo emailez mam.eguzkilore@gmail.com helbidera idatziz.
2025eko Urtarrilaren 28a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016