EMANKIZUNAK | ASTEAZKENEKO GOMITA
Aste honetan Asteazkeneko Gomita Julen Axiari kantari, perkusionista izan dugu. Ezkandrai elkarteko zuzendari artistikoa da, Errobiko festibalaren antolatzailea. Itsasun uztailaren 17tik 20ra iraganen da aurten, “Ametsezko munduak” lemapean. Aurtengo edizioa 29garrena da.
Festibala aipatzeaz gain, artista herrikoiak bere ibilbidea aipatu dio Panpi Mercapideri, bereziki Kongon edo Turkian egin dituen perkusio ikastaldiak.
2025eko Ekainaren 25a
BERRIKETARIAK | SARA
Asteartero 9:10ean Ganex Etcheverrigaray laguntzailearen berriak
2025eko Ekainaren 24a
BERRIKETARIAK | AZKAINE
Asteartero 9:10ean Josephine Olhagaray laguntzailearen berriak
2025eko Ekainaren 24a
BERRIAK
Ekainaren 21a, udako lehen eguna, eta musikaren besta hainbat herritan.
Larunbatez gertatzen zen aurten, eta Baionako herrian goizetik kontzertuak proposatzen zituzten xoko guzietan. Herriko etxearen egitaraua, bainan elkarte eta ostatuena ere, musika ez zen falta. Holako egunetan, musikak eta musikariek hartzen dute karrika. Arantxa Idieder ibili da karriketan gaindi, eta musikari edota festalari pare batekin hitz egin du, tartean Samba Badago Hernani aldeko taldearekin.
Musikaren bestaz baliatu da Zizpa gaztetxea Baionako besta alternatiboak aurkezteko larunbatean, bere aurtengo egitaraua salatuz. Besteak beste, Karma, Zaunka, Kimule, Xsakara edota Patxi eta Konpania 5 egunetako egitarauaren barne izango dira.
2025eko Ekainaren 24a
EMANKIZUNAK | ADI
Naxker, Hartz, Txaptrax, Meliora, Kids Return, Saint Etienne, Gavagaii, W!zard, Luha, University, Split, Row Of Ashes.
2025eko Ekainaren 24a
BERRIKETARIAK | ITSASU
Astelehenetan 9:10ean Peio Ospital laguntzailearen berriak.
2025eko Ekainaren 23a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016