BERRIAK
Haurren opor garaia hautatu du Baionako Turismo bulegoak abiatzeko hiria ezagutzeko pista-joko berria, euskaraz. Pasa den ostiralean otsailaren 28an izan zen lehena eta bigarren bat izango da martxoaren 7 honetan, ostiralean, goizeko 10:00 eta 12:00 artean.
Haurrei zuzendu animazioa, bisita original baten egiteko, baina helduentzat ere egokia izan daitekena. Apirilaren 19an, eta maiatzaren 7 ta 30ean izango dira berriz pista-jokoak.
Arantxa Idieder mintzatu da Joana Barace gidari hizlariarekin.
2025eko Martxoaren 06a
EMANKIZUNAK | ASTEAZKENEKO GOMITA
Ihauterietako astearte gizena iraganik, Peio Berterretxe antzerkilari eta taula zuzendaria izan da gure Asteazken honetako Gomita.
Euskal Ikasketen baitako ikerlana, Lekorneko Kabalkadaz egin du, erran gabe doa beraz ihauterien gaia ongi menperatzen duela. Argi du, adibidez, gaur egun, Kabalkada bezalako ekimena, herriaren batzeko tresna ederra dela, eta helburuetariko bat ere hori dela. Baina, euskarari uzten dion lekuaren kasuan, dudak ditu.
2025eko Martxoaren 05a
BERRIKETARIAK | ITSASU
Astelehenetan 9:10ean Peio Ospital laguntzailearen berriak.
2025eko Martxoaren 04a
BERRIKETARIAK | MAKEA
Astelehenero 9:10ean, Paul Mendiburu laguntzailearen berriak.
2025eko Martxoaren 04a
BERRIKETARIAK | AZKAINE
Asteartero 9:10ean Josephine Olhagaray laguntzailearen berriak.
2025eko Martxoaren 04a
KRONIKAK
IKAS | PEDAGOGIA
IKAS pedagogia zerbitzua irakasle edota haurrentzako zerbitzua dela pentsa dezakegu, alta helduentzako ere tresnak proposatzen ditu.
Mediateka alde batetik, publiko zabalari irekia zaiona Uztaritzen, eta webgunean ere atal berezi bat gurasoei zuzendua zaiena, bereziki euskara ez dakitenei edo ikasten ari direnei tresnak proposatzeko.
Arantxa Idieder, Elise Dilet-en gana joan da.
2025eko Martxoaren 04a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016