BERRIAK
Uztaritze eta Tolosa arteko senidetze elkarteak ekitaldi batetara gomitatzen zaituzte. Tolosan iraganen den 50. abesbatzen lehiaketara hurbilduko da Uztaritzetik autobus bat. Leidor antzokian 3 talde entzuten ahalko dira. Xehetasunak senidetze taldeko burua den Peio Berocohirigoin-ekin.
Izena emaiteko autobusan eta ikusgarriarentzat deitu 06 31 07 75 03 urriaren 29a aitzin.
2018ko Urriaren 29a
BERRIKETARIAK | DONIBANE LOHIZUNE
BERRIAK
Urriaren 27an, Itsasuko Goxoki gaztetxeak 30 urte ospatuko ditu.
Eguerditik goiti, bazkari eta animazioak proposatuko dituzte. (Kli-K, Asto Baba, Diabolo Kiwi, Kiki & Red Kiketz, Sorotan Babies, Fizt and Furiuz eta Kevin Jager.)
Amaia eta Patxik diotenaz, besta ederra prestatu dute.
2018ko Urriaren 26a
KRONIKAK
KULTURA
Aines Haristoy literatura kronikak egiten dituen laguntzaileak, hilabete honetan Kate Tempest ingeles raplariaren lehen eleberriaren kritika egin du ("Ecoute la Ville Tomber").
Erritmo bizi batean, gazte batzu Londreseko auzo batean segitzen ditugu, eta gure kronikaria laster sartu da giroan.
2018ko Urriaren 26a
BERRIAK
Larresoron bertsoa biziarazteko gogoarekin zale batzu badira aspaldian. Eta usaiako bertso saio, edo bazkarietarik aldatzeko, bigarren aldikotz, Bertsu Krakada proposatzen dute ostiral honetan 18.30tan.
Ote Lore eta Debrutegia elkarteek elgarrekin proposatzen dute Larresoroko Debrutegia gela berezi eta goxo hortan. Izena eman behar da aitzinetik: 06 13 10 44 39 /debrutegia@gmail.com
Arantxa Idieder, Armand Jaunarena antolatzailearekin hizketan.
2018ko Urriaren 25a
EMANKIZUNAK | ADI
Atom Rhumba, Jabier Muguruza, Huts, Hexen, Giorgio Moroder, L'Envoutante, I-Nz, Thom Yorke, Hybrid, Gaetan Roussel, La Phaze, St Vincent, Pogo, Suicidal Tendencies.
2018ko Urriaren 24a
1981 2026
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016